康復何期?工作有期

腳傷休息了三日,今早上班.已準備老頂會安排下星期的工作.不出所料,下星期四開始一連四日的美食博覽館,得由我負責.來新公司都兩個星期了,暫時上頭只派這個項目給我負責,估不到,一上場就已仆街! 本來以為下個星期的腳傷可以應付工作,不過,我的同事們都叫我不要去美食節,因為歷來經驗顯示,一個健康的人都勉強支撐到美食節的拍攝,但以我這個只得一半功力的人來說,實在太難,只頭一天就可以令我的腳,傷上加傷了!我被他們嚇怕了,當然!我死也不想再傷啦,我緊張我下個月的旅程多於我這份工作啊!萬一我的腳傷更深了,往後的日子什過?大家都知我的工作是啥啦!

現在我正考慮如何跟我的老頂解釋好.我又應承了他,又不能第一份job就推麻.
估唔到,我轉工後第一個挑戰,就係因為咁!!!真失敗!我會等到下星期三,大家開完會先同老頂表達我既想法,盡量表現到會盡力及嘗試,唔!我諗我應該可以得到佢既同情~~~~掛??!!

自這次傷勢後,我會好發覺,傷手傷頸都好過傷腳.傷左隻腳,真係好很慘,出到街仲以為王家衛既戲,全條街d人都行得勁快,我呢,就慢到死,slow motion既片段,好有氣氛!由香港站到中環站.浪漫爆!人人都以為我仲咩行得咁慢,上班時間咁"他條"!

有苦,自己知啦!